Makiisa sa mga Jeepney Drivers!

Must Read

Android App

Get it on Google Play

Makiisa sa laban ng ating mga Jeepney Drivers! Karapatan sa pagbabalik pasada at ayuda, ipaglaban!

106005531 10163750794660557 7191706101443103261 o

Sa Araw ng Pakikiisa sa mga Jeepney Drivers, lubos na sinusuportahan ng Kabataan Partylist ang mga panawagan ng ating mga kababayang tsuper ng dyip na malubha at patuloy na naapektuhan ng mga epekto ng lockdown, kasama ang pagsasamantala ng administrasyong Duterte sa pandemya para ipatupad ang matagal na na tinutulan na jeepney phaseout. Pinasinayaan din ng grupong Pagkakaisa ng mga Samahan ng Tsuper at Operator Nationwide (PISTON) na huwad ang pangakong pagbabalik kalsada ng mga dyip ng LTFRB, dahil ito ay para sa special travel lamang at hindi para sa pampublikong transportasyon.

Sa mahigit tatlong buwan na lockdown na ipinapatupad, ang pinakamatagal sa buong mundo, mahigit tatlong buwan narin naghihirap ang ating mga tsuper. Sa harap ng kakulangan sa ayuda at kawalan ng pangmalawakang testing para sa COVID-19 hanggang sa lebel ng mga komunidad kung saan naninirahan ang mga tsuper, sila pa ang biktima ng kakulangan ng administrasyon sa tugon nito sa krisis pangkalusugan.

Ginamit ng administrasyong Duterte upang itulak ang pagsasakatuparan ng anti-mahihirap at makapribadong monopolyong jeepney ‘modernization’. Ang programa ng phase-out, sa pangunahing bahagi nito, ay isang anti-mamamayan at anti-mahirap na panukalang magpapalala at ‘di magpapabuti ng katayuan ng ating sistema ng transportasyon. Sa huli, libu-libong mga tao ang maiiwang walang trabaho, ang pamasahe ay tataas, at ang tanging kumikita ay ang mga gumagawa ng mga modernisadong sasakyan at ang mga kumpanya na sasamsam sa mga pinundar ng mga jeepney operator at kabuhayan ng mga driver.

Ang mga makabagong yunit pampasada ay umaabot sa P1.6 – P3 million, o P2.2 m average, kada yunit; P80,000 lang ang sasagutin ng pamahalaan at hanggang P1.6 million na may 6% na interes ang maaring ang ipapautang na pwedeng bayaran sa loob ng pitong taon. Mahigit P800 ang kailangan itabi ng mga tsuper kada araw para mabayaran ito, ngunit ayon sa ng pagaaral ng IBON Foundation bago pa man ang pandemya, pumapatak lamang sa P350-P400 lang ang kanilang kita sa araw-araw. Malinaw na kung dati pa man ay hindi na ito kakayaning pasanin ng ating mga drayber, ang ipinipilit na phaseout ay hatol patungo sa buhay ng pagkakautang at mas malalang kahirapan ng para sa kanila at kanilang mga pamilya.

Nilinaw ng representasyon ng kabataan na hindi sila laban sa modernisasyon, ngunit tutol sa mga patakarang modernisasyon ng administrasyon na pinapanguna ang pribadong kita sa kabuhayan ng mga tao. Lalo na may patakaran din na inoobliga ang mga operator na bumili ng minimum bilang ng mga bagong yunit na halos nagsisiguro na higit sa 300,000 mga operator at 600,000 na mga driver sa buong bansa ang mawawalan ng trabaho dahil ang kanilang papel sa transportasyon ay kukunin ng mga korporasyon.

Nais namin ng isang modernong sistema ng transportasyon na magpapagaan ng buhay ng milyun-milyong mga mag-aaral at manggagawa, na magbibigay daan sa kanila upang makabyahe at makapagtrabaho nang ligtas. Mariin nating lalabanan ang hindi matatag na programa ng phase-out nang walang sapat na suporta ng gobyerno, isang programa na makasisira sa mga kabuhayan, magtaas ng mga pamasahe sa milyun-milyon, at papayamanin lamang ang iilan.

Sa pag-aaral din ng IBON Foundation na hinalaw sa iba’t ibang pananaliksik, napagalaman na mas ligtas pa sa aspetong pangkalusugan ang mga tradisyunal na dyip kumpara sa mga mas makabago nitong kapareho, dahil may bukas itong bentilasyon na nakakatulong sa pagpapababa sa tyansa ng pagkakahawa sa virus.

Sa kabila ng lahat ng rason para sila’y payagang pumasada at bigyan pa ng mas malaking suporta ng gobyerno, pinipili pa rin ng administrasyon na magpasa ng mga kontra mamamayan na polisya na papabor lamang sa iilan. Ginagamit pa na tabing ang pandemya para supilin ang karapatang magpahayag ng mga hinaing at magprotesta. Kung maalala, ang QC 18 kung saan 14 na jeepney drayber kasama ang mga estudyanteng relief volunteer at ang PISTON 6 ay ikinulong sa mga gawa gawang kaso, habang malinaw na wala silang nilabag na batas at nagpapabot lamang ng mga panawagan at hinaing sa pambansang gobyerno.

Ang representasyon ng kabataan ay kaisa ng alyansa ng mga grupo ng transportasyon na iginiit na ang tanging napapanatiling solusyon ay isang mass-oriented, nasyonalisasyong sistema ng transportasyon. Ito ang tungkulin ng pamahalaan – hindi ng mga pribadong korporasyon – upang matiyak na ang mamamayang Pilipino ay may access sa ligtas, mahusay, at ekonomikong paraan ng transportasyong pampubliko.

Patuloy na makikiisa ang mga kabataan, sa loob man at sa labas ng Kongreso, sa laban ng mga drayber sa balik pasada at sa kagyat na pagbibigay ng ayuda na sapat at nakabubuhay. Sa pagbabalik pasada ng mga dyip, mas giginhawa din ang buhay ng mas malawak na hanay ng mamamayan dahil nananatiling malaki ang pangangailangan nito sa pampublikong transportasyon. Hinahamon natin ang pambansang gobyerno na pagtuunan ng malaking atensyon ang mass testing, patuloy na tiyakin na may ikabubuhay ang ating mga kababayan, at panatilihin ang respeto sa karapatang pantao.

#WalangPasadaWalangAyuda
#BalikPasadangLigtas
#NoToJeepneyPhaseout

Press Releases

LEAVE A REPLY

Please enter your comment!
Please enter your name here

Latest News

Connect With Us

224,672FansLike
1,536FollowersFollow
69FollowersFollow
25,504FollowersFollow